Նորություններ

RSS
image

23.01.2020

ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴՆ ԸՆԴՈՒՆԵԼ Է ԵՄ ԲԱՐՁՐԱՍՏԻՃԱՆ ՊԱՏՎԻՐԱԿՈՒԹՅԱՆԸ

Բարձրագույն դատական խորհրդի նախագահ Ռուբեն Վարդազարյանը, Խորհրդի անդամ Վիգեն Քոչարյանը հունվարի 22-ին ընդունեցին Եվրոպական հանձնաժողովի հարևանության և ընդլայնման բանակցությունների գլխավոր տնօրինության և Արևելյան գործընկերության հարցերով բաժնի ղեկավար Վասիլիս Մարագոսի գլխավորած պատվիրակությանը: Հանդիպմանը մասնակցում էին նաև Արևելյան գործընկերության երկկողմ հարաբերությունների բաժնի ղեկավարի տեղակալ Դիրկ Լորենցը, Հայաստանում ԵՄ դեսպան Անդրեա Վիկտորինը և ԵՄ այլ ներկայացուցիչներ:

Ողջունելով հյուրերին՝ Խորհրդի նախագահը կարևորեց Խորհրդի և գործընկեր միջազգային կառույցների հետ արդյունավետ, բաց և անմիջական համագործակցությունը դատաիրավական բարեփոխումների համալիր ծրագրերի իրականացումն առավել արդյունավետ դարձնելու ճանապարհին:

Եվրոպական հանձնաժողովի հարևանության և ընդլայնման բանակցությունների գլխավոր տնօրինության և Արևելյան գործընկերության հարցերով բաժնի ղեկավար Վասիլիս Մարագոսը, շնորհակալություն հայտնելով Խորհրդին ընդունելության համար, հետաքրքրվեց դատաիրավական բարեփոխումների գործընթացի ներկա վիճակով: Ռուբեն Վարդազարյանը նկատեց, որ Խորհուրդը շահագրգռված է բարեփոխումների արդյունավետությունն ապահովելու համար և այդ ուղղությամբ ձեռնարկում է անհրաժեշտ բոլոր քայլերը:

Հանդիպմանը քննարկվեցին նաև էլ-արդարադատության տեխնիկական ապահովմանը, համակարգի արագ ներդրման անհրաժեշտությանը, դատարանների ծանրաբեռնվածության թեթևացմանն առնչվող հարցեր:

Հանդիպման ավարտին կողմերը վերահաստատեցին հետագա համագործակցության անհրաժեշտությունը:

 

Բարձրագույն դատական խորհրդի աշխատակազմի մամուլի և հասարակայնության հետ կապերի ծառայություն

image

22.01.2020

ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ

Երևան քաղաքի առաջին ատյանի ընդհանուր իրավասության դատարանի դատավոր Տաթևիկ Գրիգորյանի աշխատասենյակի պատուհանին արձակված կրակոցի փաստով ՀՀ ոստիկանությունում հարուցվել է քրեական գործ ՀՀ քրեական օրենսգրքի 235-րդ հոդվածի 1-ին մասով:

Խնդիրն իր կարևորությամբ և աննախադեպությամբ գտնվում է Խորհրդի և իրավապահ մարմինների առաջնային ուշադրության կենտրոնում: Տեղի ունեցածը հանրային լայն արձագանք է ստացել և երբեմն տեղիք տվել այս պահին նաև անհարկի քննարկումների:

Բարձրագույն դատական խորհուրդը կոչ է անում բոլորին զերծ մնալ ոչ մասնագիտական որևէ մեկնաբանություն անելուց, քանի դեռ քննությամբ պարզված չեն տեղի ունեցածի բոլոր մանրամասները:

Քննության ավարտից հետո միայն կատարվածի մասին կտրվի հիմնավոր տեղեկատվություն և համապատասխան գնահատական: 

 

Բարձրագույն դատական խորհրդի աշխատակազմի մամուլի և հասարակայնության հետ կապերի ծառայություն

 

 

image

17.01.2020

ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ

Բարձրագույն դատական խորհրդի աշխատակազմի մամուլի և հասարակայնության հետ կապերի ծառայությունը տեղեկացնում է, որ Հատուկ քննչական ծառայության կողմից կարճվել է ՀՀ վարչական դատարանի դատավոր Արթուր Ավագյանի նկատմամբ հարուցված քրեական գործը՝ հանցակազմի բացակայության պատճառով: 

Միաժամանակ տեղեկացվում է, որ հարուցված գործի նախաքննությամբ հերքվել են մամուլում տարածված տեղեկությունները դատավոր Արթուր Ավագյանի կողմից կատարված գործողությունների վերաբերյալ:

 

Բարձրագույն դատական խորհրդի աշխատակազմի մամուլի և հասարակայնության հետ կապերի ծառայություն

 

image

30.12.2019

ՀԱՐՑԱԶՐՈՒՅՑ ՌՈՒԲԵՆ ՎԱՐԴԱԶԱՐՅԱՆԻ ՀԵՏ

Դատական համակարգի բարեփոխումները  

image

27.12.2019

ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ՊԵՏՆ ԱՅՑԵԼԵԼ Է ԱՐԱՐԱՏԻ ԵՎ ՎԱՅՈՑ ՁՈՐԻ ՄԱՐԶԵՐԻ ԴԱՏԱՐԱՆ

Դեկտեմբերի 23-ից 25-ը Դատական կարգադրիչների ծառայության պետ, արդարադատության գնդապետ Ռոբերտ Ղազարյանի գլխավորած հանձնաժողովն աշխատանքային այցով մեկնել էր Արարատի և Վայոց ձորի մարզերի ընդհանուր իրավասության դատարան: Այցելություն կատարվեց Դատական կարգադրիչների ծառայության բոլոր 5 բաժանմունքներում:

Աշխատանքային այցի ընթացքում ուսումնասիրվեցին դատարաններում ընդհանուր անվտանգությունը, քաղաքացիների մուտքի և ելքի հետ կապված խնդիրները, կալանախցերի վիճակն ու անվտանգությունը, անցկացվեց դատական կարգադրիչների կողմից իրենց ծառայությունն իրականացնելիս ծագած որոշակի խնդիրների և դրանց հաղթահարման կապակցությամբ առկա հնարավոր իրավական լուծումների  վերաբերյալ ուսուցողական հարցազրույց:

Խորհրդակցության ընթացքում Ռոբերտ Ղազարյանը կարևորեց, որ Ծառայության առջև դրված նոր խնդիրներով պայմանավորված՝ անհրաժեշտ է էլ ավելի բարձրացնել տեսական և իրավական գիտելիքներն ու ծառայողական հմտությունների տիրապետման մակարդակը, տվեց համապատասխան հանձնարարական՝ Ծառայության ընթացքում աշխատակիցների վարքագծի կանոնների պահպանման, ինչպես նաև քաղաքացիների և դատական գործընթացների մյուս մասնակիցների նկատմամբ հանդուրժողական և բարեվարք կեցվածքի դրսևորման ուղղությամբ:

Ծառայության պետն աշխատանքային հանդիպում ունեցավ Արարատի և Վայոց ձորի մարզերի ընդհանուր իրավասության դատարանի նախագահ Գրիգոր Հովհաննիսյանի և աշխատակազմի ղեկավար Լիլիթ Հովհաննիսյանի հետ: Քննարկվեցին Դատական կարգադրիչների ծառայության Արարատի և Վայոց ձորի մարզերի դատարանում ծառայություն իրականացնող բաժնի և բաժանմունքների դատական կարգադրիչների ծառայության հետ կապված առանձին հարցեր: