ԺԱՆՆԱ ՀԱՄԼԵՏԻ ԱՍԱՏՐՅԱՆ

Ծնվել է 1974 թվականին, Երևան քաղաքում:

1995 թվականին ավարտել է Երևանի տնտեսաիրավագիտական համալսարանը և պետական քննական հանձնաժողովի որոշմամբ շնորհվել է իրավաբան-քրեագետի որակավորում:

2005 թվականին Երևանի տնտեսաիրավագիտական համալսարանի պետական քննական հանձնաժողովի որոշմամբ շնորհվել է իրավագիտության բակալավրի աստիճան «Իրավագիտության» մասնագիտությամբ:

2008 թվականին ավարտել է ՀՀ պետական կառավարման ակադեմիան և շնորհվել է իրավագիտության մագիստրոսի աստիճան «Իրավագիտության» մասնագիտությամբ:

1996 թվականից մինչև 1999 թվականն աշխատել է ՀՀ գերագույն դատարանի քրեական գործերի դատական կոլեգիայում՝ դատական նիստերի քարտուղարի պաշտոնում:

1999 թվականից մինչև 2008 թվականն աշխատել է ՀՀ վճռաբեկ դատարանի քաղաքացիական և տնտեսական գործերի պալատում՝ դատավորի օգնականի պաշտոնում:

2008 թվականից մինչև 2009 թվականն աշխատել է Երևանի քաղաքացիական դատարանի աշխատակազմի գրասենյակի պետի պաշտոնում:

2009 թվականի մարտի 23-ից մինչև 2014 թվականի մարտի 17-ը աշխատել է ՀՀ վճռաբեկ դատարանի քաղաքացիական և վարչական պալատում՝ դատավորի ավագ օգնականի պաշտոնում:

2012 թվականին ստացել է փաստաբանական գործունեության արտոնագիր:

2014 թվականին ավարտել է Հայաստանի Հանրապետության արդարադատության ակադեմիան:

Հայաստանի Հանրապետության Նախագահի 2014 թվականի դեկտեմբերի 24-ի հրամանագրով նշանակվել է Սյունիքի մարզի ընդհանուր իրավասության առաջին ատյանի դատարանի դատավոր:

ԲԴԽ-30-Ո-73 որոշմամբ ներկայացված առաջարկությամբ՝ ՀՀ նախագահի՝ 2018 թվականի օգոստոսի 10-ի հրամանագրով նշանակվել է Երևան քաղաքի առաջին ատյանի ընդհանուր իրավասության դատարանի դատավոր:

 

Վերադառնալ