Ո Ր Ո Շ ՈՒ Մ

                                                            ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ

                                                                  2018 ԹՎԱԿԱՆԻ ՀՈՒԼԻՍԻ 9-Ի ԹԻՎ ԲԴԽ-23-Ո-47 ՈՐՈՇՄԱՆ ՄԵՋ

                                                                              ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

                 Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 23-րդ հոդվածի 1-ին մասի 1-ին կետով, 26-րդ հոդվածի 3-րդ մասով, 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Բարձրագույն դատական խորհուրդը

                                                                                                       Ո Ր Ո Շ Ո Ւ Մ   Է

         1. Հայաստանի Հանրապետության բարձրագույն դատական խորհրդի 2018 թվականի հուլիսի 9-ի «Հայաստանի Հանրապետության առաջին ատյանի դատարանների դատավորների նստավայրերը, նստավայրերի սպասարկման տարածքները փոփոխելու կարգը սահմանելու մասին» թիվ ԲԴԽ-23-Ո-47 որոշման 1-ին կետով հաստատված հավելվածում (այսուհետ՝ Հավելված) կատարել հետևյալ փոփոխությունները.

                1) Հավելվածի 1-ին բաժնի 1.1-ին կետի «մասնագիտացված դատարաններն ունեն նստավայրեր մարզերում» բառերը փոխարինել «մասնագիտացված դատարանները կարող են նստավայրեր ունենալ մարզերում» բառերով,

                2) Հավելվածի 2-րդ բաժնի 2.1-ին կետի առաջին նախադասությունը շարադրել հետևյալ խմբագրությամբ.

 «2.1. Առաջին ատյանի դատարաններում նստավայրերի և (կամ) սպասարկման տարածքների, իսկ Երևան քաղաքի առաջին ատյանի ընդհանուր իրավասության քրեական դատարանի և Երևան քաղաքի առաջին ատյանի ընդհանուր իրավասության քաղաքացիական դատարանի դեպքում՝ դատարանի նստավայրերի փոփոխության վերաբերյալ առաջարկությունները՝ համապատասխան դատարանի նախագահի կողմից համապատասխան գրությամբ ներկայացվում են Խորհրդին։»:

         2. Սույն որոշումն ուժի մեջ է մտնում հրապարակմանը հաջորդող օրվանից:

ԲԱՐՁՐԱԳՈՒՅՆ ԴԱՏԱԿԱՆ

ԽՈՐՀՐԴԻ ՆԱԽԱԳԱՀ                                                  

                                                                                                                                              Կ. ԱՆԴՐԵԱՍՅԱՆ

               2023թ. հունվարի 30

                     ք. Երևան