Քննարկելով Շիրակի մարզի առաջին ատյանի ընդհանուր իրավասության դատարանի դատավորներ Սաթենիկ Անդրեասյանի, Ժենյա Մելիքսեթյանի և Հայկ Իսրայելյանի աշխատանքային ծանրաբեռնվածության վերաբերյալ դիմումները, համապատասխան դատարանի նախագահի գրությունը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 42-րդ հոդվածի 2-րդ մասով, 94-րդ հոդվածի 1-ին մասով՝ Բարձրագույն դատական խորհուրդը

                                                                                                       ՈՐՈՇՈՒՄ է

      1. Շիրակի մարզի առաջին ատյանի ընդհանուր իրավասության դատարանի դատավոր Սաթենիկ Անդրեասյանի անուն-ազգանունը հանել գործերի բաշխման ցանկից՝ 2023 թվականի սեպտեմբերի 11-ից 2024 թվականի հունվարի 11-ը ներառյալ։

      2. Շիրակի մարզի առաջին ատյանի ընդհանուր իրավասության դատարանի դատավոր Ժենյա Մելիքսեթյանի անուն-ազգանունը հանել գործերի բաշխման ցանկից՝ 2023 թվականի հոկտեմբերի 2-ից 2024 թվականի փետրվարի 2-ը ներառյալ։

      3. Շիրակի մարզի առաջին ատյանի ընդհանուր իրավասության դատարանի դատավոր Հայկ Իսրայելյանի անուն-ազգանունը հանել գործերի բաշխման ցանկից՝ 2023 թվականի օգոստոսի 15-ից դեկտեմբերի 15-ը ներառյալ։

      4.  Սույն որոշումն ուժի մեջ է մտնում հրապարակմանը հաջորդող օրվանից:

     ԲԱՐՁՐԱԳՈՒՅՆ ԴԱՏԱԿԱՆ

        ԽՈՐՀՐԴԻ ՆԱԽԱԳԱՀ

                                                                                      Կ. ԱՆԴՐԵԱՍՅԱՆ

 2023թ. օգոստոսի 14

                         ք. Երևան