Հայաստանի Հանրապետության Դատական Իշխանություն

պաշտոնական կայք

Ծնվել է 1979 թվականին, ՀՀ Սյունիքի մարզի Խոզնավար գյուղում:

Կրթություն

2001 թվականին ավարտել է Երևանի դատական փորձագիտության և հոգեբանության ինստիտուտը` իրավագետի, դատական փորձագետի որակավորմամբ:

2015 թվականից մինչև 2016 թվականը հանդիսացել է ՀՀ արդարադատության ակադեմիայի ունկնդիր:

2012 թվականին ստացել է փաստաբանական գործունեության արտոնագիր:

Աշխատանքային փորձ

2002 թվականից մինչև 2006 թվականն աշխատել է Երևան քաղաքի Կենտրոն և Նորք-Մարաշ համայնքների առաջին ատյանի դատարանում` որպես դատական նիստերի քարտուղար:

2006 թվականից մինչև 2012 թվականն աշխատել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում` որպես դատավորի օգնական:

2012 թվականին ստացել է փաստաբանական գործունեության արտոնագիր:

2012 թվականից մինչև 2015 թվականն աշխատել է «Արցախբանկ» ՓԲԸ-ում, նախ` որպես իրավաբանական դեպարտամենտի ՀՀ տարածքում իրավական սպասարկման բաժնի մասնագետ, ապա` առաջին կարգի մասնագետ, վերջում` իրավաբանական վարչության իրավաբանական ծառայությունների բաժնի գլխավոր մասնագետ:

ՀՀ Նախագահի 2016 թվականի հուլիսի 14-ի հրամանագրով նշանակվել է ՀՀ Կոտայքի մարզի ընդհանուր իրավասության առաջին ատյանի դատարանի դատավոր:

Հիմք ընդունելով Սահմանադրության 139-րդ հոդվածի 1-ին և 166-րդ հոդ-վածի 7-րդ մասերը, ինչպես նաև Բարձրագույն դատական խորհրդի 2021 թվականի հուլիսի 19-ի ԲԴԽ-51-Ո-123 որոշմամբ ներկայացված առաջարկությունը.
Կոտայքի մարզի առաջին ատյանի ընդհանուր իրավասության դատարանի դատավոր Աննա Արզումանյանին 2021թ. հուլիսի 20 ՆՀ-187-Ա հրամանով նշանակել Կոտայքի մարզի առաջին ատյանի ընդհանուր իրավասության դատարանի նախագահ՝ երեք տարի ժամկետով: 

Կոնտակտային տվյալ

a.arzumanyan@court.am

Ծնվել է 1981 թվականին, Կոտայքի մարզի Աբովյան քաղաքում:

Կրթություն

1997 թվականին ավարտել է Աբովյան քաղաքի թիվ 10 միջնակարգ դպրոցը:

2001 թվականին ավարտել է Երևանի պետական համալսարանի պատմության ֆակուլտետը:

2005 թվականին ավարտել է Հայաստանի Հանրապետության պետական կառավարման ակադեմիան:

2009 թվականին ավարտել է Երևանի «Գալիք» համալսարանի իրավագիտության ֆակուլտետը՝ ստանալով իրավագետի որակավորում:

2014 թվականին ավարտել է Հայաստանի Հանրապետության արդարադատության ակադեմիան:

Աշխատանքային փորձ

2005 թվականից մինչև 2007 թվականը աշխատել է «Բիոլինկ» ՍՊԸ-ում՝ որպես գործադիր տնօրեն:

2007 թվականից մինչև 2008 թվականն աշխատել է Երևանի պետական բժշկական համալսարանի իրավաբանական բաժնում՝ որպես գլխավոր մասնագետ:

2008 թվականից մինչև 2009 թվականը զբաղեցրել է ՀՀ վերաքննիչ քրեական դատարանի դատավորի գործավարի պաշտոնը:

2009 թվականից մինչև 2014 թվականը զբաղեցրել է ՀՀ վճռաբեկ դատարանի քրեական պալատի դատավորի օգնականի, ավագ օգնականի, պալատի նախագահի ավագ օգնականի պաշտոնները:

ՀՀ Նախագահի 2015 թվականի փետրվարի 24-ի հրամանագրով նշանակվել է ՀՀ Կոտայքի մարզի ընդհանուր իրավասության առաջին ատյանի դատարանի դատավոր:

ԲԴԽ-25-Ո-56 որոշմամբ ներկայացված առաջարկությամբ՝ ՀՀ նախագահի՝ 2018 թվականի հուլիսի 17-ի հրամանագրով նշանակվել է Կոտայքի մարզի առաջին ատյանի ընդհանուր իրավասության դատարանի նախագահ՝ երեք տարի ժամկետով:

Կոնտակտային տվյալ

h.avagyan@court.am