Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Բարձրագույն դատական խորհուրդը 

                                                                                                       Ո Ր Ո Շ ՈՒ Մ  Է

1. Բարձրագույն դատական խորհրդի 2021 թվականի մարտի 25-ի «Դատավորների միջև գործերի հավասարաչափ բաշխման չափանիշները և կարգը, գործերի վերաբաշխման, կոլեգիալ դատական կազմերը ձևավորելու կարգը և դատավորներին հանձնվող գործերի տոկոսաչափեր, ինչպես նաև օպերատիվ-հետախուզական միջոցառումներ իրականացնելու մասին միջնորդություններ քննող դատավորների ցանկը և նրանց հանձնվող գործերի տոկոսաչափերը սահմանելու մասին» թիվ ԲԴԽ-16-Ն-6 որոշման 1-ին կետով սահմանված Հավելված 1-ը լրացնել նոր՝ 3.1-ին կետով՝ հետևյալ բովանդակությամբ․

«3.1 Սնանկության վարույթի շրջանակներում հարուցված՝ «Սնանկության մասին» օրենքի 4-րդ հոդվածի 3-րդ մասով սահմանված առանձին քաղաքացիական գործերի քննությունը Սնանկության դատարանի նախագահի կողմից հանձնվում է նույն սնանկության գործի շրջանակում սնանկության գործը վարող դատավորին:»։

2. Սույն որոշումն ուժի մեջ է մտնում ««Սնանկության մասին» օրենքում փոփոխություններ և լրացումներ կատարելու մասին» 2024 թվականի հունվարի 16-ի      ՀՕ-27-Ն օրենքի 32-րդ հոդվածով նախատեսված կարգավորումներն ուժի մեջ մտնելու օրվանից, բայց ոչ շուտ, քան պաշտոնական հրապարակմանը հաջորդող օրվանից և գործում է մինչև նշված գործերը Ծրագրի միջոցով բաշխելու հնարավորության նախատեսումը:

    ԲԱՐՁՐԱԳՈՒՅՆ ԴԱՏԱԿԱՆ

       ԽՈՐՀՐԴԻ ՆԱԽԱԳԱՀ                                  Ա․ ԱԹԱԲԵԿՅԱՆ

                    2026թ. ապրիլի 27

                     ք. Երևան