Բարձրագույն դատական խորհրդում այսօր մեկնարկեց Երևան քաղաքի առաջին ատյանի ընդհանուր իրավասության դատարանի դատավոր Աննա Փիլոսյանին կարգապահական պատասխանատվության ենթարկելու հարցի վերաբերյալ միջնորդության քննությունը:

Ըստ Արդարադատության նախարարության ներկայացրած միջնորդության հիմնավորումների՝ գործի նյութերում հիշատակվող թվով չորս քաղաքացիական գործերով դատավորը չի պահպանել պարզեցված վարույթի կարգով քննվող գործով վճիռ հրապարակելու և վճռի օրինակը գործին մասնակցող անձանց ուղարկելու համար սահմանված դատավարական ժամկետները, ինչի հետևանքով խախտվել է հայցվորի՝ իր իրավունքների արդյունավետ դատական պաշտպանության իրավունքը, ինչպես նաև արդար դատաքննության իրավունքի տարր հանդիսացող՝ իր գործի ողջամիտ ժամկետում քննության իրավունքի իրականացումը:

Արդարադատության նախարարության հիմնավորումները լսելուց հետո՝ դատավորի ներկայացուցիչը նիստը հետաձգելու միջնորդություն ներկայացրեց, որը Խորհրդի կողմից բավարարվեց:

Գործի քննությունը կշարունակվի դեկտեմբերի 22-ին, ժամը՝ 14:30-ին:

Մանրամասները՝ տեսանյութում: