Բարձրագույն դատական խորհուրդը, քննության առնելով Լոռու մարզի առաջին ատյանի ընդհանուր իրավասության դատարանի դատավոր Վարդան Սուղյանին կարգապահական պատասխանատվության ենթարկելու հարցը, որոշեց մերժել Արադարադատության նախարար Գրիգոր Մինասյանի միջնորդությունը:

Որոշումն ուժի մեջ է մտնում հրապարակման պահից և վերջնական է:

Հարկ ենք համարում պարզաբանել, որ միջնորդության ներկայացման համար հիմք էր հանդիսացել այն, որ  Դատավորը քննության առնելով մեղադրյալի նկատմամբ որպես խափանման միջոց կիրառված կալանավորումը վերստին քննարկելու վերաբերյալ միջնորդությունը՝ մերժել էր այն:

Ըստ Արդարադատության նախարարության՝ դատավորը իրարամերժ որոշումներ էր կայացրել գրեթե նույն փաստական տվյալների առկայության պայմաններում:

Մինչդեռ Բարձրագույն դատական խորհուրդը գտնում է, որ դատավորի կողմից թույլ չի տրվել խախտում և մեղադրյալին երկրորդ անգամ չկալանավորելու  վերաբերյալ որոշում կայացնելիս դատավորն առաջանորդվել է այնպիսի տվյալներով, որոնք մինչ այդ իրեն հայտնի չեն եղել:

Մանրամասները՝ տեսանյութում: