Բարձրագույն դատական խորհուրդը շվեդ գործընկերների հետ Շվեդիայի կառավարության կողմից ֆինանսավորվող «Հայաստանի դատավորների կարողությունների զարգացում՝ դատական համակարգի նկատմամբ նոր ակնկալիքներին համապատասխանելու և հանրային վստահությունն ամրապնդելու նպատակով» ծրագրի շրջանակում իրավական թեմաներ լուսաբանող լրագրողների համար երկօրյա աշխատաժողով էր կազմակերպել:

   Հանդիպմանը մասնակցող դատավորները, Դատական դեպարտամենտի ներկայացուցիչները երկխոսել են լրագրողների և քաղհասարակության ներկայացուցիչների հետ, լսել նրանց հետաքրքրող հարցերը։

   Շվեդ գործընկերների հետ իրականացվող թվով երրորդ հանդիպումը հնարավորություն է ընձեռել մասնակիցներին ծանոթանալ դատական նիստերի լուսաբանման շվեդական փորձին և ներկայացնել հայաստանյան լրատվամիջոցներ-դատարաններ հաղորդակցման առանձնահատկությունները։

Պանելային քննարկումը վարել են ԲԴԽ անդամ Երանուհի Թումանյանցը, Իրավախորհրդատու և ծրագրերի ղեկավար Լինա Վալլենբերգը, ավագ դատավոր, ծրագրի համակարգող Բյորն Լինդենը, ավագ դատավոր Պատրիկ Ալմը, հաղորդակցության ավագ պատասխանատու Յենս Մաթսոնը: