Քննարկելով Հակակոռուպցիոն դատարանի դատավորներ Խաչիկ Ղազարյանի, Վահե Դոլմազյանի, Տիգրան Դավթյանի, Մերի Մոսինյանի և Սարգիս Դադոյանի աշխատանքային ծանրաբեռնվածության վերաբերյալ գրությունները և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 42-րդ հոդվածի 2-րդ մասով, 94-րդ հոդվածի 1-ին մասով` Բարձրագույն դատական խորհուրդը

                                                                                                                       Ո Ր Ո Շ ՈՒ Մ  Է

1. Հակակոռուպցիոն դատարանի նախագահ Խաչիկ Ղազարյանին բաշխվելիք գործերի համար հավասարաչափ բաշխման չափանիշներից սահմանել 90%-ի չափով նվազեցման տոկոսաչափ (ներառյալ՝ «Հայաստանի Հանրապետության դատական օրենսգիրք» սահմանադրական օրենքի 45-րդ հոդվածի 1-ին մասի 4-րդ ենթակետով նախատեսված 30%-ի չափով նվազեցման տոկոսաչափը)՝ 2025 թվականի հոկտեմբերի 21-ից 2026 թվականի ապրիլի 20-ը ներառյալ:

2. Հակակոռուպցիոն դատարանի դատավոր Սարգիս Դադոյանին բաշխվելիք գործերի համար հավասարաչափ բաշխման չափանիշներից սահմանել 70%-ի չափով նվազեցման տոկոսաչափ՝ 2025 թվականի հոկտեմբերի 21-ից 2026 թվականի փետրվարի 20-ը ներառյալ:

3. Հակակոռուպցիոն դատարանի դատավորներ Վահե Դոլմազյանին, Տիգրան Դավթյանին և Մերի Մոսինյանին բաշխվելիք գործերի համար հավասարաչափ բաշխման չափանիշներից սահմանել 70%-ի չափով նվազեցման տոկոսաչափ՝ 2025 թվականի նոյեմբերի 3-ից 2026 թվականի մարտի 2-ը ներառյալ:

4. Սույն որոշումն ուժի մեջ է մտնում հրապարակմանը հաջորդող օրվանից:

    ԲԱՐՁՐԱԳՈՒՅՆ ԴԱՏԱԿԱՆ

        ԽՈՐՀՐԴԻ ՆԱԽԱԳԱՀ                                                        Ա. ԱԹԱԲԵԿՅԱՆ

           2025թ. հոկտեմբերի 20

                     ք. Երևան