Քննարկելով Երևան քաղաքի առաջին ատյանի ընդհանուր իրավասության քաղաքացիական դատարանի նախագահ Սարգիս Արմենակյանի, Վարչական դատարանի դատավորներ Կարեն Զարիկյանի, Արթուր Ծատուրյանի և Լիլիթ Սադոյանի աշխատանքային ծանրաբեռնվածության վերաբերյալ գրությունները և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 42-րդ հոդվածի 2-րդ մասով, 94-րդ հոդվածի 1-ին մասով` Բարձրագույն դատական խորհուրդը

                                                                                                                              Ո Ր Ո Շ ՈՒ Մ  Է

1. Երևան քաղաքի առաջին ատյանի ընդհանուր իրավասության քաղաքացիական դատարանի նախագահ Սարգիս Արմենակյանին բաշխվելիք գործերի համար հավասարաչափ բաշխման չափանիշներից սահմանել 90%-ի չափով նվազեցման տոկոսաչափ (ներառյալ՝ «Հայաստանի Հանրապետության դատական օրենսգիրք» սահմանադրական օրենքի 45-րդ հոդվածի 1-ին մասի 5-րդ ենթակետով նախատեսված 35%-ի չափով նվազեցման տոկոսաչափը)՝ 2026 թվականի փետրվարի 10-ից օգոստոսի 10-ը ներառյալ:

2. Վարչական դատարանի նախագահ Կարեն Զարիկյանին բաշխվելիք գործերի համար հավասարաչափ բաշխման չափանիշներից սահմանել 60%-ի չափով նվազեցման տոկոսաչափ (ներառյալ՝ «Հայաստանի Հանրապետության դատական օրենսգիրք» սահմանադրական օրենքի 45-րդ հոդվածի 1-ին մասի 4-րդ ենթակետով նախատեսված 30%-ի չափով նվազեցման տոկոսաչափը)՝ 2026 թվականի փետրվարի 10-ից մարտի 6-ը ներառյալ:

3. Վարչական դատարանի դատավոր Լիլիթ Սադոյանին բաշխվելիք գործերի համար հավասարաչափ բաշխման չափանիշներից սահմանել 30%-ի չափով նվազեցման տոկոսաչափ՝ 2026 թվականի փետրվարի 10-ից մարտի 6-ը ներառյալ։

4․ Վարչական դատարանի դատավոր Արթուր Ծատուրյանին բաշխվելիք գործերի համար հավասարաչափ բաշխման չափանիշներից սահմանել 50%-ի չափով նվազեցման տոկոսաչափ՝ 2026 թվականի փետրվարի 10-ից ապրիլի 2-ը ներառյալ:

5. Սույն որոշումն ուժի մեջ է մտնում հրապարակմանը հաջորդող օրվանից:

    ԲԱՐՁՐԱԳՈՒՅՆ ԴԱՏԱԿԱՆ

        ԽՈՐՀՐԴԻ ՆԱԽԱԳԱՀ                                                        Ա. ԱԹԱԲԵԿՅԱՆ

           2026թ. փետրվարի 9

                     ք. Երևան