Այսօր՝ նոյեմբերի 29-ին, Բարձրագույն դատական խորհրդում կայացավ Երևան քաղաքի առաջին ատյանի ընդհանուր իրավասության դատարանի դատավոր Գայանե Մազմանյանին կարգապահական պատասխանատվության ենթարկելու հարցի վերաբերյալ՝ Արդարադատության նախարարության ներկայացրած միջնորդության քննությունը:

Ըստ միջնորդության հիմնավորման՝ դատավորի կողմից թույլ են տրվել «ՀՀ քաղաքացիական դատավարության օրենսգրքի» 201-րդ հոդվածի 1-ին մասով, 361-րդ հոդվածի 1-ին մասով և 877-րդ հոդվածի 1-ին մասով ամրագրված պահանջների ակնհայտ և կոպիտ խախտումներ:

Դատավոր Գայանե Մազմանյանը պնդեց, որ միջնորդությունը ենթակա է մերժման:

ԲԴԽ-ն կողմերին լսելուց հետո հայտարարեց միջնորդության քննության ավարտ և հեռացավ խորհրդակցական սենյակ՝ որոշում կայացնելու:

Այն կհրապարակվի դեկտեմբերի 13-ին՝ ժամը 15:00-ին: